Hikmət Abbaslı — Bu gün onun ad günüdür
Abbaslı Hikmət Zahir oğlu 18 yanvar, 1999-cu ildə Beyləqan rayonunda anadan olub. 2006-2017-ci illərdə Beyləqan rayon F.Hacıyev adına 2 nömrəli tam orta məktəbdə təhsil almışdır. 2017-ci ildə təhsilini Bakı Humanitar kollecində davam etdirmişdir. Hərbi xidmətini bitirdikdən sonra siqnalizasiya və təhlükəsizlik şirkətlərinin birində çalışmışdır.
Azərbaycan Ordusunun giziri olan şəhidimiz 2020-ci il, sentyabrın 27-də başlayan Vətən müharibəsi zamanı Şuşanın azadlığı uğrunda gedən döyüşlərdə vuruşub. Hikmət Abbaslı noyabrın 9-da Şuşa şəhəri istiqamətində, düşmənlə təmas xəttində şəhid olub.
Şəhid Hikmət Abbaslı ölümündən sonra «Vətən uğrunda», «Şuşanın azad olunmasına görə», «Füzulinin azad olunmasına görə», «Cəbrayılın azad olunmasına görə», «Xocavəndin azad olunmasına görə», «İgidliyə görə»medalları ilə təltif edilib.
Subay idi.
Отправить комментарий