Akif Cabbarov — Bu gün onun ad günüdür

Akif Elxan oğlu Cabbarov  24 noyabr 1997- ci il tarixdə Gədəbəy rayonunda dünyaya göz açıb. Orta məktəbi Şəmkir rayonu Könüllü kəndində bitirən Akif anası ilə birgə 2014–cü ildə Sumqayıt şəhərinə köçür.

2016- cı il hərbi xidmətə çağırılır, hərbi xidmətini başa vurduqdan sonra, Sumqayıt şəhərində fəhlə işləyir. 2020-ci il avqust ayında Qarabağ yürüşünə çıxan Akif könüllü olaraq Səfərbərlik və Hərbi Xidmətə Çağırış üzrə Dövlət Xidmətinə yazılır və sentyabr ayının sonunda müharibəyə yollanır.Oktyabr ayının 25-də Qubadlı,Zəngilan rayonu uğrunda gedən döyüşlərdə fəallıq göstərir. 27 nəfər döyüş yoldaşları ilə bərabər Qubadlı yaxınlığın da ermənilər tərəfindən mühasirəyə alınır və son nəfəslərinə qədər döyüşərək şəhidlik zirvəsinə ucalıb. Oktyabr aynın 30-da şəhid ailəsinə təhvil verilərək Sumqayıt şəhər Şəhidlər Xiyabanında dəfn edilib.

Akif Cabbarov döyüşlərdə göstərdiyi şücaətə görə ölümündən sonra “Vətən uğrunda”, “Füzulinin azad olunmasına görə” və “Cəsur döyüşçü” medalları ilə təltif edilib.