Nadir Abbasquliyev — Bu gün onun ad günüdür
Nadir Elçin oğlu Abbasquliyev 6 dekabr 1995-ci ildə Gəncə şəhərində anadan olub. 2001-ci ildə M.Ş.Vazeh adına 16 nömrəli tam orta məktəbin 1-ci sinfinə daxil olmuş, 2012-ci ildə orta təhsilini N.Hüseynov adına 38 nömrəli tam orta məktəbdə başa vurmuşdur. 2007-ci ildən idmanın boks növü ilə məşğul olmuş, şəhərdaxili yarışlarda iştirak etmişdir.
2014-cü ildə Səfərbərlik və Hərbi Xidmətə Çağırış üzrə Dövlət Xidmətinin Gəncə Şəhər Nizami Rayon Şöbəsindən həqiqi hərbi xidmətə çağrılmış, Müdafiə Nazirliyinin “N” saylı hərbi hissəsində xidmət etmişdir. Hərbi xidmətdən sonra Gəncə şəhər Heydər Əliyev Park-kompleksində mühafizə xidmətində çalışmışdır.
2014-cü ildə Səfərbərlik və Hərbi Xidmətə Çağırış üzrə Dövlət Xidmətinin Gəncə Şəhər Nizami Rayon Şöbəsindən həqiqi hərbi xidmətə çağrılmış, Müdafiə Nazirliyinin “N” saylı hərbi hissəsində xidmət etmişdir. Hərbi xidmətdən sonra Gəncə şəhər Heydər Əliyev Park-kompleksində mühafizə xidmətində çalışmışdır.
Azərbaycan Ordusunun əsgəri kimi 2020-ci il sentyabrın 27-də başlayan Vətən Müharibəsi zamanı Şuşanın azadlığı uğrunda gedən döyüşlərdə iştirak edib. Noyabrın 7-də Şuşa döyüşləri zamanı şəhid olub.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin Sərəncamına əsasən Nadir Abbasquliyev ölümündən sonra «Vətən uğrunda», «Cəsur döyüşçü» və «Şuşanın azad olunmasına görə» medalları ilə təltif edilib.
Отправить комментарий