Nizami Gəncəvi — Dostluq və düşmənçilik haqqında müdrük sözlər

Dost qəlbi torpaqdır, ona əl vursan.

Əlin pak olacaq o zaman, inan.

♥    ♥    ♥    ♥    ♥    ♥    ♥    ♥

İkibaşlı dostluğu dostluq sanma heç zaman,

Qərəzli dost – düşməndir, arxalanma heç zaman.

♥    ♥    ♥    ♥    ♥    ♥    ♥    ♥

Heç kimsəylə yola getmirsə bir kəs,

Ona bel bağlayıb, bir iş görülməz.  

♥    ♥    ♥    ♥    ♥    ♥    ♥    ♥

Bir dost ki, dost ilə hey nifaq eylər,

O, demək, düşmənlə ittifaq eylər.

♥    ♥    ♥    ♥    ♥    ♥    ♥    ♥

Bir olsa yoldaşın, dostun əməli,

Daşdan su çıxardar onların əli.

Nifaq olan yerdə fəlakət də var,

Səadət günəşi birlikdə doğar.

♥    ♥    ♥    ♥    ♥    ♥    ♥    ♥

Əqilli adamla dostluq bağlasan,

Bilik və mərifət alarsan ondan.